20 Yanvar Azərbaycan xalqı üçün unudulmaz tarixdir.
20 yanvar 2023 | 13:46
Rayon İcra Hakimiyyəti başçısının müavinləri, YAP Quba rayon təşkilatının sədri, rayonun hüquq-mühafizə orqanlarının, ictimai təşkilatların, idarə və müəssisələrin rəhbərləri, din xadimləri 20 Yanvar faciəsinin 33-cü ildönümü ilə əlaqədar Quba şəhər qəbirstanlığında dəfn olunmuş 20 Yanvar şəhidi Rahib Hüseynovun və digər şəhidlərin məzarlarını, sonra isə rayonun Şəhidlər Xiyabanını ziyarət etmişlər. Ziyarət gün ərzində davam etmiş, ziyarətdə Rayon İcra Hakimiyyətinin, YAP Quba rayon təşkilatının, rayonun hüquq-mühafizə orqanlarının kollektivləri, hərbçilər, şəhid ailələri, qazilər, müharibə iştirakçıları, rayonun bütün idarə, müəssisə və təşkilatlarının rəhbərləri və əməkdaşları, çoxsaylı ictimaiyyət nümayəndələri iştirak etmişdir.
Həmin gün rayonun Küçeyi kənd qəbirstanlığında dəfn olunmuş 20 Yanvar şəhidi Elçin Qeybullayevin məzarı da ictimaiyyəti tərəfindən ziyarət edilmişdir.
Keçidlər
