Rayon İcra Hakimiyyəti başçısının İspik kənd inzibati ərazi dairəsi üzrə nümayəndəliyinin hesabat yığıncağı keçirilmişdir.
05 yanvar 2018-ci il tarixdə İspik kənd tam orta məktəb binasında Rayon İcra Hakimiyyəti başçısının İspik kənd inzibati ərazi dairəsi üzrə nümayəndəliyinin hesabat yığıncağı keçirilmişdr. Hesabat yığıncağında Rayon İcra Hakimiyyətinin başçısı Ziyəddin Əliyev, hüquq mühafizə orqanlarının, aidiyyəti idarə, müəssisə, təşkilatların rəhbərləri, kənd sakinləri iştirak etmişlər. Yığıncaqda RİHB-nin İspik kənd İƏD üzrə nümayəndəsi Firdovsi Şıxbabayevin hesabat məruzəsi dinlənilmişdir. Rayon İcra Hakimiyyətinin başçısı Ziyəddin Əliyev hesabat yığıncağında çıxış edərək, nümayəndəlik ərazisində mövcud olan bütün nöqsan və çatışmazlıqların aradan qaldırılması istiqamətində ciddi araşdırılmalar aparılmasının və problemlərin həlli yollarının tapılmasının vacibliyini vurğulamışdır. Başçı aidiyyəti şəxslərə bu sahədə müvafiq təlimat və tapşırıqlarını vermişdir. Digər çıxış edənlər ötən bir il ərzində İspik kənd inzibati ərazi dairəsi üzrə nümayəndəliyin hesabat məruzəsini qənaətbəxş hesab etmişlər. Sonda Rayon İcra Hakimiyyəti başçısının təklif və tövsiyələri nəzərə alınaraq qərar layihəsi qəbul olunmuşdur.
